Roedd Gillian Ayres ymhlith artistiaid haniaethol pwysicaf ei chenhedlaeth ym Mhrydain, ac yn athrawes celf ddylanwadol. Ym 1981, symudodd i ogledd Cymru i roi ei holl amser i'w chrefft. Yn 2017, cynhaliodd Amgueddfa Cymru arddangosfa fawr o'i gwaith (Gillian Ayres yng Nghymru: Stori heb ei Hadrodd) gan lenwi orielau'r Adain Orllewinol gyda'i phaentiadau mawr lliwgar. Mae'r gwaith collage ac olew dienw yma yn enghraifft brin o'i gweithiau ar bapur o ddechrau'r 1960au – dinistriodd lawer ohonynt yn ddiweddarach. Mae'r collage yn cynnwys toriadau o atgynhyrchiad o'i gwaith Lure, paentiad o 1963 o gasgliad Cyngor y Celfyddydau ac a fenthycwyd i Amgueddfa Cymru ar gyfer yr arddangosfa. Gillian Ayres was one of the leading British abstract painters of her generation, as well as an influential art teacher.